الفقيه اللي نتسناو براكتو داخل للجامع ببلغتو. ..

قالوها سيادنا اللوالا الفقيه اللي نتسناو براكتو داخل للجامع ببلغتو …

–
الحفيض السلامة العثور علا فقيه متلبس بقضية هتك عرض طفل قاصر بنواحي اقليم شيشاوة نهار الاحد الماضي دار فضيحة ؛ المشكلة دابا الواحد ميتيقش يخلي ولادو يخرجو للزنقة مدام الفقيه يغتصب و المعلم يغتصب و الطبيب يغتصب و السياح يديرو حتا هما يدهم؛ فين غادي نتيقو نخليو وليداتنا ؛ هادشي كتر فالمغرب ولاَّ وجهة لبزاف ديال الناس المراضين نفسييا اخرهم عمو دانيل ؛ ولكن المشكلة ماشي دايما فدوك الناس محتا الاباء اللي كيولدو بزاف دلولاد ويطلقوهم للزنقة وخصهم غير يتهناو من صضاعهم ؛المرأة خصها غير تخلص من البجغوط باش تفرج فخولود ههه .

–
و اللي كيزيد الطين بلة ان العقوبات ديال الجرائم بحال هادو مكتكونش فالمستوى كتلقا مغتصب زنقة بكمالها و حاكمين عليه 4 سنين ! فالميريكان قتل روح وماتغتاصبش دري صغير! وتسول داك الفقيه يقول ليك متفسخين أخلاقيا ومنحلين وعندهم السيدا ولعياذو بالله؛ ها علاش كتلقا مراكش عامرا سياح اههه ضحكو علا شعب مراكش زوينة فيها ميتسارا ههه مراكش فيها الفقر و التهميش؛

–

فالموروث الشعبي مثلا فمراكش كيقولوا أن الشكارة لي كيعلقوها المراكشيين فجنبهم كاتكون عامرة بالكعيكعات والفاكية خاصة للغلمان، كتلقى الحاج كالس فباب الحانوت وكيفرق الحلوى باش ياكل الحلوى؛ الحَصول خصهم يشددو علا الاحكام ديال بحال هاد الجرائم و منتساهلوش باش الواحد يكون عبرة للي كتسولو نفسو شي نهار و يفكر برتاكب شي جرم بحال هادا ؛ الحاصول لو كنت انا القاضية علا ديك الجريمة كنت حكمت علا داك الفقيه يدير لمضمضة لمدة شهرين بالماء القاطع .

–