عندما يتحول الحبيب إلى عدو
مواخرا تناقلت مواقع التواصل فيديو ديال واحد كيضرب مرتو فزنقة فطنجة ،للاسف ولينا كنشوفو و كنسمعو علا بزاف ديال نسا كيتعنفو , ايه هادشي من زمان و هو كاين و مزال لحد الان و كاين بقوة فالحضارة الاسلامية ديالنا و اللي مرسخ فالعقل ديال بزاف دالرجال , هاد الحضارة اللي كتايد انا المرأة الا مطاعتش زوجها لزمها ضرب .
و من بين اسباب هاد المشكل هو العنوسة اي ان الوحدة كتخاف متزوجش وكتزوج اي وحد المهم دير العرس فالقاعة و تهز فالعماريةو تلبس لغوب دو مغياج لان العقلية العربية جاهلة بكل المقايس او كيتزوجو لاجل الجنس او لاجل الانجاب او او ….. المهم الوحد هو يفكر مزيان معامن غيكمل حياتو حيت الزواج ماشي لعبة مسؤلية قبل كولشي .
مشكل اخر هو انا كاين بزاف ديال النسا كيتعنفو ولكن مكيهضروش علاش ؟؟ مكترضاش انا ناس يهضرو عليها او علا لختيار ديالها للرجل و فاش كتهضر تبينلك راه هي و هو سمن علا عسل هههه الله يسمحلي هاديك ها اللي كتلقاها كاتبة فسمية ديال الفيسبوك اميرة زوجي اه و دير تصويرة ديال جوج شادين بيديهم وتكتب حبي لك وحدك هههه اويلي سكتي الله يعطي دل كاليك كترت الهم كضحك . 
مشكل اخر واللي كيفقص انه الوحدة كتكون وكلة دق بالمعقول و تنوض و تعيط فالراديو وتنوض الحيحة راجلي كيعنفني كيضربني و كيتابعوه الشرطة و كيشدوه و كيولي عندها كيرغبها و يقولها جوج كليمات حلوين هيا من زمان كتمناه يقولهوم ليها و كيبقا يضور بيها حتا كتنازلو و كتسمحلو و هادشي كيوقاع ل 80 % من نسا ديال هاد البلاد السعيدة ،والمصيبة كيولي يضربها لان اللي فيه شي لولة صعيب تحيد ،كتلقا ديك تمارة كاملة اللي ضربوها البوليس مشات هباء و سلام ها علاش البوليس ولاو مكيديوهاش فمشاكل بحال هادو لان عارفين نسا دغيا كيوليو .
نوع اخر ديال نسا العنف عندها كيبينلها درجة الحب ديال الراجل اى انه الا مضربهاش متحس بروجولة ديلو ,كولشي كيعنف البوليسي على المواطن ،الاستاذ على التلاميذ،الرجل على المرأة، الاب على الابناء، الابناء على القطط والكلاب المتشردة..هاد المجتمعات اما ان تعيد النظر في المنطلقات والاسس الثقافية والدينية التي تتشربها، يا اما ينبغي ادخال الجميع الى مصح عقلي .
https://www.youtube.com/watch?v=5F37PyWPvHc